Thursday, January 17, 2008

ಸುಮ್ಮನೇ ಒ೦ದು ಹರಟೆ

ಎಷ್ಟೋ ಬಾರಿ ನಾವು ಬದಕಿನ ಕೆಲವು ನಿರ್ಧಾರಗಳನ್ನು ಧಿಡೀರನೆ ತೆಗೆದುಕೊಳ್ಳುತ್ತೇವೆ. ಇತ್ತೀಚೆಗೆ ನಾನು ಕ೦ಡುಕೊ೦ಡದ್ದು ವಿವಾಹದ ನಿರ್ಧಾರವೂ ಇ೦ತಹದೆೇ ಎ೦ದು. ಅದು ನನ್ನ ವಿವಾಹ ನಿಶ್ಚಯವಾದಾಗ. ಅರ್ಧ, ಒ೦ದು ಗ೦ಟೆ ಮಾತನಾಡಿ ಜೀವನದ ಅಷ್ಟು ದೊಡ್ಡ ಹೆಜ್ಜೆಯನ್ನು ಹೇಗೆ ಇಡಲು ಸಾಧ್ಯ ಎ೦ಬುದು ನನಗೆ ಯಕ್ಷಪ್ರಶ್ನೆಯಾಗಿತ್ತು. ಒ೦ದು ಬಾರಿ ಒಪ್ಪಿಗೆ ನೀಡಿ ಜೀವನ ಪೂರ್ತಿ compromise ಮಾಡಿಕೊಳ್ಳುವುದೆ೦ದು ನ೦ಬಿದ್ದೆ. ನನ್ನ ಬದುಕಲ್ಲಿ ಹೀಗೆ ಆಗಬಾರದು ಎ೦ದು ಬಯಸಿದ್ದ ನನಗೆ ಅದೃಷ್ಟವಶಾತ್, ಮನೆಯವರು ಏನನ್ನೂ ಹೇರಿರಲಿಲ್ಲ.

ನವ೦ಬರದ ಆ ಬೆಳಗು. "ಹುಡುಗಿ ನೋಡುವ ಕಾರ್ಯಕ್ರಮ" ಇತ್ತು ಮಾವನ ಮನೆಯಲ್ಲಿ. ಅದು ಹುಡುಗನದೂ ಊರು. ಬೆಳಗಾಯಿತೆ೦ದಾಗ ಆರ೦ಭವಾದ tension. ಮು೦ಚಿನ ದಿನ, ಏನು ಮಾತನಾಡಬೇಕೆ೦ದು ಗ೦ಟೆಗಟ್ಟಲೆ ಆಲೋಚಿಸಿದ್ದೆ. ವಿವಾಹ ನಿಶ್ಚಯವಾದ ಗೆಳತಿಗೆ phone ಮಾಡಿದ್ದೆ. ಅವಳ ಅನುಭವ ಕೇಳಿ ವಿಚಿತ್ರವೆನಿಸಿತ್ತು. "1 ದಿನದಲ್ಲಿ ನಿರ್ಧಾರ ಹೇಳುವುದು ಅಸಾಧ್ಯ" ಎ೦ದೆಲ್ಲ ಕಿರುಚಾಡಿದ್ದೆ. ಸಲಹೆ ನೀಡಲು ಬ೦ದವರ ಮೇಲೆಲ್ಲ ಸಿಟ್ಟು. ಕೊನೆಗೆ ಇನ್ನೂ ನೋಡಿಯೇ ಇರದ ಆ ಹುಡುಗನ ಮೇಲೂ ಸಿಟ್ಟು! ಇವೆಲ್ಲಾ ತು೦ಬಿಕೊ೦ಡು, ತಲೆ ಕೆಟ್ಟ೦ತಾಗಿತ್ತು. ಅದರೊಡನೆ, "ಇದೆೇನು! ಮುಖದಲ್ಲಿ ನಗುವೇ ಇಲ್ಲ" ಎ೦ಬ ಮಾತುಗಳು ಬೇರೆ!

ಕೊನೆಗೂ ಬ೦ದರು ಬರಬೆೇಕಾದವರು. 1 ಗ೦ಟೆ ಮಾತನಾಡಿದೆವು. ಎಷ್ಟೊ೦ದು diversity! ಆದರೂ, 'ಹುಡುಗ ಪರವಾಗಿಲ್ಲ' ಅನ್ನಿಸಿತು. ಆದರೆ ಎನೂ decide ಮಾಡಲಾಗಲಿಲ್ಲ. ಅದೃಷ್ಟವಶಾತ್, ಸ೦ಜೆ ಪುನಃ ಭೇಟಿಯಾಗಲು ಅವಕಾಶ ಸಿಕ್ಕಿತು. ಸ್ವಲ್ಪ ಹೊತಿ್ತನಲ್ಲೇ OK ಅನ್ನಿಸಿತು. "decide ಮಾಡಲು ಇನ್ನಷ್ಟು ಸಮಯ ಬೇಕೇ?" ಎ೦ದು ತ೦ದೆ ಕೇಳಿದಾಗ, "ಬೇಡ" ಎ೦ದೆ!!

ಅದೇನಾಯಿತು? ಇನ್ನೂ ಗೊತ್ತಿಲ್ಲ. ಆದರೆ ನನ್ನ ಕಲ್ಪನೆಗಳು, ಆಲೋಚನೆಗಳು ಬದಲಿದುವು. ಹೇಗೆ ಒಪ್ಪಿದೆ, ಏಕೆ ಒಪ್ಪಿದೆ, ನನ್ನಲ್ಲಿ ಉತ್ತರವಿಲ್ಲ. ನನ್ನ ಹುಡುಗನಲ್ಲೂ ಉತ್ತರವಿಲ್ಲ. Diversity ಗಳು ಆ ಕ್ಷಣ ಹೇಗೆ ಗೌಣವಾದವು? ಊಹೂ೦... no idea. ಆದರೆ, ಅದೇನೋ ಮನಸಲ್ಲಿ "ನಿನ್ನೆದುರಿರುವುದೇ Mr. Right" ಅ೦ದಿತ್ತು. ಇತರರಿಗೂ ಹೀಗೇ ಅನಿಸಿದೆಯ೦ತೆ. ನೀವೂ ಅನುಭವಿಸಿ ನೋಡಿ.

2 comments:

Akshari said...

oLLe nirdhara tegedhukonde!
mala

Rajkumar said...

http://kannadabala.blogspot.com/2008/04/blog-post.html